من حقي ألعب للأهلي.. وبيان رحيلي عن الزمالك جاهز ومكتوب

الثلاثاء 08/أبريل/2025 – 03:24 م

تحدث أحمد مصطفى زيزو لاعب نادي الزمالك، عن إمكانية انضمامه إلى النادي الأهلي في الفترة المقبلة، بجانب مشكلاته مع الزمالك مؤخرًا.

تصريحات أحمد مصطفى زيزو 

وقال هاني حتحوت في تصريحات على لسان زيزو: الأهلي نادي محترم بحترمه زي ما بحترم الزمالك وجمهوره، وحقي ألعب فيه، والتاريخ مش بيتمسح، أنا طلبت من الزمالك شيكات مكتوبة بس عشان أضمن حقي، العقد شريعة المتعاقدين.

وأضاف: ليه تخسر واحد أثبت لك أكتر من مرة إنه بيحبك؟ يجب أن أحسم موضوع الزمالك، وده اللي قولته لوالدي، مفيش حاجة اسمها توكيل عام في عقود الكورة، ممكن في الإعلانات أو عقود تجارية، والدي لحد شهر مارس لم يجلس مع أي نادي احتراما ليا ولرغبتي!.

واختتم: بيان رحيلي عن الزمالك جاهز ومكتوب، ووقتها هوضح الحقيقة ولكني حتى الآن أنا سايب احتمالية إن الموضوع ممكن يتحل ومحدش يقول إني بتلكك.