يسرا عن مهرجان الجونة: أصبح بمستوى عالمي وليس محليًا
تحدثت الفنانة يسرا عن مهرجان الجونة السينمائي الدولي، خلال حضورها المؤتمر الصحفي للدورة التاسعة من المهرجان، مشيدة بالمجهود الذي يبذله القائمون عليه على مدار العام، وما وصل إليه من حضور على المستوى الدولي.
يسرا: مهرجان الجونة أصبح عالميًا
وقالت يسرا خلال كلمتها: «داخلين في العشرة ما شاء الله، الله أكبر يعني.. الناس بتختصر مهرجان الجونة في الريد كاربت، لا، ده فيه يعني ناس بتشتغل طول السنة عشان تقدم مهرجان على هذا المستوى، والمستوى ده أصبح مستوى عالمي مش محلي».
وأضافت: «لأن كل الناس من جميع أنحاء العالم بتتكلم على قيمة مهرجان الجونة ومكانة الجونة، وأنا بشكركم جدًا على المجهود العظيم اللي بتعملوه طول السنة».
يسرا تتحدث عن الريد كاربت وفعاليات مهرجان الجونة
وتطرقت يسرا إلى الحديث عن الريد كاربت، قائلة: «والريد كاربت على فكرة دي معمولة من قديم الأزل، مش حاجة جديدة عندنا يعني، مش إحنا اللي بدعناها هي معمولة كده».
كما أشارت إلى تنوع الفعاليات التي يشهدها مهرجان الجونة السينمائي، قائلة: «ومش هقدر أعيد نفس الكلام تاني اللي الأساتذة قالوه، لكن عندنا مثلًا فعاليات كتيرة جدًا، من ضمنها في ماستر كلاس للمخرج الكبير يسري نصر الله».
