الوطن سبورت | إيهاب المصري: عبد الله السعيد أهم لاعب في الزمالك.. ورحيله سيكون أزمة كبيرة

أكد إيهاب المصري، لاعب المقاولون العرب السابق، أن عبد الله السعيد عنصر أساسي داخل صفوف الزمالك، مشددًا على أن رحيله عن الفريق حال عدم حل أزمة مستحقاته المالية سيشكل ضربة قوية للفريق في الموسم الجديد.

عبد الله السعيد لاعب الزمالك 

إيهاب المصري: عبد الله السعيد أهم لاعب في الزمالك

قال المصري، في تصريحات تلفزيونية: «عبد الله السعيد أهم لاعب في نادي الزمالك، لأنه مش بس قيمة فنية كبيرة، لكنه كمان يقوم بدور أشبه بالمدرب ومدير الكرة بين زملائه، وبيعرف يتعامل معاهم نفسيًا، خاصة في المباريات الكبيرة ومواجهات القمة أمام الأهلي».

أضاف: «رحيل عبد الله السعيد عن الزمالك حال عدم حل مشكلة مستحقاته سيكون أزمة كبيرة جدًا للنادي، لأن الفريق في حاجة إلى وجود لاعب بخبراته وشخصيته داخل الملعب وخارجه».

تابع لاعب المقاولون السابق: «الأهلي وبيراميدز مش هيسمحوا إن اللي حصل الموسم الماضي يتكرر مرة تانية، ولذلك الزمالك ممكن يعاني بالشكل ده، خاصة أن المنافسة ستكون قوية، وبالتالي لازم النادي يعالج مشاكله بسرعة».

أوضح: «الزمالك بيفضي الفريق بشكل كبير جدًا، وأصبح عنده نقص واضح في عدد من المراكز، وبالتالي لازم المسؤولين يشوفوا حل للقصة دي، ويبدأوا في معالجة الأزمات الموجودة بدلًا من استمرارها».

إيهاب المصري: الزمالك في موقف قوة بأزمة بيزيرا

وعن أزمة خوان بيزيرا، قال إيهاب المصري: «الزمالك في موقف قوة في أزمة بيزيرا، واللاعب لو بيحب النادي هيرجع بشكل طبيعي جدًا، لكن لو عنده رغبة في الرحيل، فعليه أن يتفاوض مع الإدارة ويطلب إنهاء الأمر بطريقة قانونية ومحترمة».

اختتم تصريحاته: «لازم بيزيرا يفتكر إن نادي الزمالك هو اللي عمل اسمه وقدمه للجماهير، وبالتالي أي قرار بالرحيل لازم يكون من خلال الطرق الشرعية وبشكل يحافظ على العلاقة بين الطرفين».